ندى أبو فرحات: بدي ابن الـ18 ما ينحبس اذا تعاطى سيجارة حشيشة

رفضت الممثلة اللبنانية ندى أبو فرحات الوصاية الدينية على الفن وأكدت مشاركتها في الحفل الذي دعت إليه مجموعة من الفنانين والفنانات تضامنا مع فرقة "مشروع ليلى" رفضا لقمع أهل الفن.

وأرفقت أبو فرحات إعلان مشاركتها بتعليق حمل أبعاد المواطن والفنان، فكتبت: "أنا إنسانة مؤمنة.
بآمن بالانفتاح وحرية التعبير، بالعلم والتحضر، بالفن والجمال.
ما بحب الارغيلة وتضيع الوقت، ما بحب الأغاني اللي ما بتحترم المرأة وبتتمسخر على حقوقا ويللي بيرقص عليا ٩٠% من اللبنانية رجال ونساء. ما بحب اللي بيكب زبالتو عالطرقات والبحور وبيرجع بيصلي بالجوامع والكنايس. ما بحب اللي بخالف بالسواقة وبيعرض حياتي للخطر وحاطط رموز دينية داخل سيارتو. ما بحب الرصاص بالأفراح والأحزان لأن كمان بتعرض حياتي وحياة عيلتي للخطر.
ما بنتمي لولا حزب. بدي كهربا ومي وضمان شيخوخة وطرقات آمنة ومتحضرة، بدي العلم يكون ببلاش والامان اولوية.
بدي ابن التمنتعش ما ينحبس اذا تعاطى سيغارة حشيشة، وينكب بدالو كل اللي عم يتعاطو فساد ونهب".