نشرت الممثلة إلسا زغيب صورة عبر حسابها على "انستغرام" برفقة إبنتها، بمناسبة عيد ميلاد الأخيرة.
وأشارت زغيب إلى أنّها لم تستطع الإحتفال بعيد ميلاد إبنتها بسبب الأوضاع الأمنيّة.
ووجهّت إلسا رسالة إلى ابنتها قالت فيها:
"إلى ابنتي الجميلة
انشالله كل سنينك حلوة يا ماما
السنة مش قادرين نحتفل فيكي وبلدنا بحرب
بعتذر منك
بعتذر لأنك عم تعيشي نفس للي نحنا عشنا ببلد ما تغير في شي
بعتذر لأنك بعمر ما لازم تشوفي إلا كل شي حلو
بعتذر لأنك بعمر ما بيلبقلك إلا اللعب والضحك
بعتذر لأنو من واجبي أمنلك الأمان والطمأنينة
بعتذر لأنو ما قادرة أعمل شي
بعتذر نيابة عن مسؤولينا للي باعونا من سنين وسنين
ما فيني إلك إللا أنو انشالله السنين للي جايي تحمل معا السلام والنجاح لإلك وولاد العالم كلن
بحبك".