بعد انتشار فيديو لها عن إشكال مع سيّدة في منطقة الضبية... ماذا أوضحت ماغي بو غصن؟

بعدما انتشر فيديو لها يوم أمس، من منطقة الضبية، حيث ظهرت وهي تُدافع عن طفلٍ صغيرٍ يتعرّض للضرب من قبل والدته، خرجت الممثلة ماغي بو غصن عن صمتها، وأعادت نشر الفيديو، وأعلنت أنّ المقطع الذي انتشر على مواقع التواصل الإجتماعيّ "تمثيليّ وليس حقيقيّاً"، وقد تمّ تصويره للترويج لحملة مكافحة ظاهرة تعنيف الأطفال.

وأضافت بو غصن:

"لما صورنا المشهد التمثيلي بعد ما اتفقنا مع الإم وابنها على كل تفاصيله.. تقصّدت اتصرّف بشكل صادم وعفوي متل أي شخص ممكن يصادف هيك موقف.. تقصدنا نشوف ردة فعلكن ونتابع آراءكن..
الهدف الأول نلفت النظر لحوادث التعنيف اللي عم تمرق مرور الكرام.. ونقول إنّو بهيك مواقف لازم نتدخل لنحمي الضحية.. بس كمان لازم ننتبه إنه التدخل يكون متّزن وعقلاني.. وما نقابل العنف بعنف.. حتى اتجاه المعتدي..
كلنا بحاجة لنقرا ونتابع ونفهم كيف نتصرّف بهيك حالات..
وكلنا لازم نواجه حالات التعنيف والتحرّش والاغتصاب المتزايدة بمجتمعنا ونلجأ للقانون..
رح حاول أنا وجمعية حماية نعمل خطوات جديّة تحمي مجتمعاتنا وأطفالنا..
ان شاء الله نقدر نعمل فرق..
كل التقدير لتفاعلكن الكبير اللي خلق مساحات للنقاش بتعلّمنا وبتوعّينا..
بشكر كل الصحافيين المحترمين على الدعم.. وكل النجوم والزملاء اللي اتصلوا واهتموا يدعموا وينضمّوا للجمعية".